اسلام آباد(اسپورٹس ڈیسک):ایچ ای سی انٹرورسٹی والی بال چیمپئن شپ زون-ای میں نمل یونیورسٹی نے کامیابی حاصل کر کے آل پاکستان چیمپئن شپ کیلئے کوالیفائی کر لیا۔ گزشتہ روز ہائر ایجوکیشن کمیشن (ایچ ای سی) انٹرورسٹی والی بال چیمپئن شپ زون-ای 2024-25نیشنل یونیورسٹی آف ماڈرن لینگویجز (نمل) کے جمنازیم میں اختتام ہوئی جس میں نمل نے سنسنی خیز فائنل میچ میں کیپیٹل یونیورسٹی آف سائنس اینڈ ٹیکنالوجی کو شکست دے کر چیمپئن شپ کا ٹائٹل اپنے نام کیا۔ نمل نے فیصلہ کن انداز میں 0-3 سے فتح حاصل کی اور 20 نومبر 2024 کو پاکستان اسپورٹس کمپلیکس میں منعقد ہونے والی آل پاکستان انٹرورسٹی والی بال چیمپئن شپ میں اپنی جگہ بنا لی۔زون-ای ٹورنامنٹ میں7 ٹیموں نے حصہ لیا۔
