ویلنگٹن (اسپورٹس ڈیسک)نیوزی لینڈ کے فاسٹ بولر ٹم سائوتھی نے ٹیسٹ کرکٹ سے ریٹائرمنٹ کا اعلان کر دیا۔اپنی ریٹائرمنٹ کے اعلان پر ٹم ساتھی کا کہنا تھا کہ نیوزی لینڈ کیلئے 18 سال کھیلنا ایک اعزاز ہے، نیوزی لینڈ کی نمائندگی کرنا شروع سے خواب تھا۔35 سالہ کیوی فاسٹ بولر کی ریٹائرمنٹ کے اعلان پر نیوزی لینڈ کے ہیڈ کوچ گیری ا سٹیڈ کا کہنا تھا کہ ٹم سائوتھی کا کیرئیر شاندار رہا ریکارڈز ان کے بارے میں سب کچھ بتا رہے ہیں، انہوں نے نیوزی لینڈ کی فتوحات میں اہم کردار ادا کیا ہے۔ٹم سائوتھی آئندہ ماہ انگلینڈ کے خلاف ہوم گرائونڈ پر ہملٹن میں آخری ٹیسٹ میچ کھیلیں گے تاہم نیوزی لینڈ نے اگر ورلڈ ٹیسٹ چیمپئن شپ کے فائنل کیلئے کوالیفائی کیا تو بھی وہ ٹیم کو دستیاب ہوں گے۔
