بہاولنگر: کے مختلف تعلیمی اداروں کے طلبہ و طالبات اور فیکلٹی نے بہاولنگر گیریژن کا دورہ کیا۔
بہاولنگر ڈسٹرکٹ کے طلبہ و طالبات اور فیکلٹی کے وفد نے بہاولنگر گیریژن میں ایک دن پاک فوج کے ساتھ گزارا،طلبا کو پاک فوج کی ملک و قوم کے لیے دی گئی لازوال قربانیوں اور کسی بھی خطرے سے نمٹنے کے بارے میں بریفنگ دی گئی۔
طلبا کو فوجی طرز زندگی اورروزمرہ کے معمول کے بارے میں بھی آگاہی فراہم کی گئی، طلبہ وطالبات نے فوجی سرگرمیوں کا عملی نمونہ بھی دیکھا جس سے وہ خوب محظوظ اور متاثر ہوئے۔
طلبا کو کیوآر ایف کے ہتھیار اور سازو سامان کے بارے میں بر یفنگ دی گئی اور سرگرمی کو دلچسپ بنانے کے لئے کورڈن اور سرچ کا عملی مظاہرہ پیش کیا جس کو طلبا نے سراہا،اس دورے کامقصد عوام اور فوج کے درمیان تعلقات کو مزید مستحکم بنانا ہے۔
طلبا کے وفد کا کہنا تھا کہ ہم نے عسکری ٹریننگ دیکھی اور پاک فوج کے وطن عزیز کے ساتھ جذبے نے ہمیں بہت متاثر کیا۔”طلبا نے کہا”ہم پاک فوج کی ٹریننگ اور تربیتی معیار کو خوب سراہتے ہیں۔” “ہماری پاک فوج کسی بھی دشمن کی فوج سے کم نہیں ہے اور وقت آنے پر ہماری حفاظت کر سکتی ہے؛۔
طلبا نے کہا کہ انہیں سوشل میڈیا پراپیگنڈا کے حوالے سے ان کے شکوک و شبہات کو دور کرنے میں مدد ملی اور پاک فوج کی مثبت خدمات کے بارے میں قیمتی معلومات فراہم کیں۔
