حیدرآباد (اسپورٹس ڈیسک)سندھ زرعی یونیورسٹی ٹنڈوجام میں انٹر یونیورسٹی والی بال چیمپئن شپ زون کا آغاز ہوگیا ہے، وائس چانسلر نے افتتاح کیا، پہلے میچ میں مہران یونیورسٹی فاتح رہی ۔ سندھ زرعی یونیورسٹی ٹنڈوجام میں ہائر ایجوکیشن کمیشن کے تعاون سے انٹر یونیورسٹی والی بال زون کا آغاز ہو چکا ہے۔ چیمپئن شپ کا افتتاح سندھ زرعی یونیورسٹی کے وائس چانسلر ڈاکٹر فتح مری نے افتتاحی میچ کے دوران بال سے سروس کراکر کیا۔اس چیمپئن شپ میں شہید محترمہ بینظیر بھٹو یونیورسٹی لاڑکانہ، آئی بی اے سکھر، شاہ لطیف یونیورسٹی خیرپور، اسرای یونیورسٹی حیدرآباد، لیاقت یونیورسٹی آف میڈیکل اینڈ ھیومن سائنسز جامشورو، مہران یونیورسٹی جامشورو، سندھ یونیورسٹی جامشورو، یونیورسٹی آف ماڈرن سائنسز ٹنڈو محمد خان اور میزبان سندھ زرعی یونیورسٹی ٹنڈوجام حصہ لے رہی ہیں۔ چیمپئن شپ کا پہلا میچ مہران یونیورسٹی جامشورو اور آئی بی اے سکھر کے مابین کھیلا گیا، جس میں مہران یونیورسٹی نے آئی بی اے سکھر کو 16-25 اور 22-25 پوائنٹس سے شکست دی۔
