راولپنڈی (اسپورٹس ڈیسک) قائد اعظم ٹرافی کرکٹ ٹورنامنٹ کا تیسرا رائونڈ، کراچی وائٹس کی ٹیم راولپنڈی کے خلاف اپنی پہلی اننگز میں 145 رنز بنا کر آئوٹ ہو گئی، رمیز عزیز 59 رنز بنا کر نمایاں رہے ۔ راولپنڈی کی جانب سے محمد فیضان نے شاندار بولنگ کا مظاہرہ کیا اور 39 رنز کے عوض 5 وکٹیں حاصل کیں، راولپنڈی نے دوسرے روز کھیل ختم ہونے پر پہلی اننگز میں 9 وکٹوں پر 169 رنز بنا لیے اور اسے 24 رنز کی برتری حاصل ہو گئی ہے، کپتان شاداب خان نے 46 رنز بنائے، کراچی وائٹس کی طرف سے ثاقب خان نے 4 کھلاڑیوں کو آئوٹ کیا ۔
