لاڑکانہ (نمائندہ جسارت) بین الصوبائی صوبائی قائد اعظم گیمز 2024 کیلیے صوبہ سندھ ہاکی ٹیم کی سلیکشن کیلیے کمیٹی کا اعلان۔ قائد اعظم بین صوبائی گیمز جو کہ 13 سے 18 دسمبر 2024 تک اسلام اباد میں منعقد ہوں گے جس میں صوبہ سندھ سے مختلف کھیلوں میں شرکت کی جائے گی اس سلسلے میں صوبہ سندھ کی ہاکی ٹیموں کی سلیکشن کیلیے کل صبح 11 بجے جی کے ایچ اے کمپلیکس میں منعقد ہونگے۔ سیکرٹری ا سپورٹس اینڈ یوتھ افیئرز حکومت سندھ عبدلعلیم لاشاری کی ہدایات کے مطابق سندھ ہاکی ایسوسی ایشن کی سیکرٹری اکبر علی قائم خانی نے سلیکشن کمیٹی کا اعلان کیا۔ جس میں اولمپین حنیف خان (کراچی) چیئرمین، سلیکشن کمیٹی کے ممبران میں اولمپین ناصر علی (کراچی)، ڈسٹرکٹ اسپورٹس افیسر محمد اسماعیل، ڈسٹرکٹ اسپورٹس افیسر فائزہ خان، ذوالفقار حسین (سکھر)، حسن عسکری(نواب شاہ)، رضوان تنویر (حیدرآباد) اور سمیرہ نسیم شامل ہیں ۔
