راولپنڈی:190 ملین پاؤنڈ ریفرنس میں عدالت نے بانی پاکستان تحریک انصاف اور سابق وزیر اعظم عمران خان اور بشریٰ بی بی کو 342 کا بیان جمع کروانے کےلیے سوال نامہ فراہم کردیا۔
190 ملین پانڈ ریفرنس حتمی مرحلے میں داخل ہو گیا، اڈیالہ جیل میں 190 ملین پانڈ ریفرنس پر سماعت ہوئی، احتساب عدالت کے جج ناصر جاوید رانا نے سماعت کی۔
190 ملین پانڈ ریفرنس میں بانی پی ٹی آئی عمران خان اور ان کی اہلیہ بشری بی بی کو 342 کا سوال نامہ فراہم کر دیا گیا۔
عمران خان اور بشری بی بی کو فراہم سوال نامے میں 190 ملین پانڈ ریفرنس سے متعلق 79 سوالات پوچھے گئے ہیں، سوال نامہ بانی پی ٹی آئی اور بشری بی بی کی موجودگی میں ان کے وکیل سلمان صفدر نے وصول کیا۔
بانی پی ٹی آئی اور بشری بی بی کی جانب سے 11 نومبر کو 342 کے سوال نامے کے جواب عدالت میں جمع کروائے جائیں گے، عدالت نے 190 ملین پانڈ ریفرنس پر سماعت 11 نومبر تک ملتوی کر دی۔
