حیدرآباد (اسپورٹس ڈیسک)شہید اللہ بخش سومرو (سیبس) یونیورسٹی آف آرٹ، ڈیزائن اینڈ ہیریٹیجز جامشورو میں انٹر یونیورسٹی ٹیبل ٹینس ٹورنامنٹ زون کے کا آغاز ہوگیا۔ ٹورنامنٹ کا انعقاد سیبس یونیورسٹی نے ہائر ایجوکیشن کمیشن اسلام آباد کے تعاون سے کیا جس میں سندھ کی 14 یونیورسٹیوں کے کھلاڑی حصہ لے رہے ہیں۔ مقابلے میں حصہ لینے والی یونیورسٹیوں میں سندھ یونیورسٹی جامشورو، مہران یونیورسٹی جامشورو، لیاقت یونیورسٹی جامشورو، شاہ عبداللطیف یونیورسٹی خیرپور میرس، آئی بی اے سکھر، سندھ ایگریکلچر یونیورسٹی ٹنڈوجام، صوفی ازم یونیورسٹی بھٹ شاہ، گورنمنٹ کالج یونیورسٹی حیدرآباد، اسرا یونیورسٹی حیدرآباد، شہید بینظیر بھٹو یونیورسٹی آف وٹیرنری سکرنڈ، شہید محترمہ بینظیر بھٹومیڈیکل یونیورسٹی لاڑکانہ ، شیخ ایاز یونیورسٹی شکارپور، یونیورسٹی آف ماڈرن سائنسز ٹنڈومحمد خان اور سیبس یونیورسٹی جامشورو کے پلیئرز شامل ہیں۔
