بدین (نمائندہ جسارت) ایس ایچ او تھانہ بدین انسپکٹر محمد انور لغاری نے اسٹاف کے ہمراہ مختلف مقامات پر کارروائیاں کرکے گٹکا فروش ملزمان اویس خاصخیلی، اشرف ملاح، رحیم قاضی اور کریم بخش ملاح کو گرفتار کرلیا، ملزمان کے قبضے سے 900 گٹکے برآمد کر لیے گئے، ایس ایچ او تھانہ ٹنڈو باگو سب انسپکٹر رمیز حیدر نے نئوں آباد ٹنڈوباگو میں دیسی شراب کی بٹھی پر چھاپا مارکر 620 لیٹرز دیسی شراب برآمد کر لی، پولیس نے کارروائی کے دوران خدا بخش عرف گڈو کاتیار اور عرفان ملاح کو گرفتار کر لیا، جبکہ 2 ملزمان موقع سے فرار ہوگئے۔ ایس ایچ او تھانہ ٹنڈوباگو سب انسپکٹر رمیز حیدر نے کارروائی کر کے فراز شیدی کی مسروقہ موٹر سائیکل برآمد کرکے مالک کے حوالے کردی، ایس ایچ او تھانہ شہید فاضل راہو انسپکٹر غلام مصطفی عاقلانی نے مختلف مقامات پر کارروائیاں کرکے گٹکا فروش ملزمان ارسلان راہموں اور عمران جتوئی کو گرفتار کرلیا، ملزمان کے قبضے سے 2330 سفینا ساشے اور دیسی گٹکے برآمد کر لیے گئے۔ ایس ایچ او تھانہ ڈیئی انسپکٹر طفیل احمد جلالانی نے اسٹاف کے ہمراہ دوران گشت کارروائی کرکے 660 سفینا ساشے برآمد کر لیے، جبکہ ملزم بلاول کھوسو موقع سے فرار ہو گیا، ایس ایچ او تھانہ گلاب لغاری انسپکٹر ایاز علی بھٹی نے اسٹاف کے ہمراہ دوران گشت مختلف مقامات پر کارروائیاں کرکے ملزم سوجی کولھی کو 20 لیٹرز دیسی شراب اور چرس فروش ملزم فراز عرف گوگو چانڈیو کو 200 گرام چرس سمیت گرفتار کرلیا۔
