نصیرآباد میں فائرنگ، 2 افراد زخمی

کوئٹہ (نمائندہ جسارت) بلوچستان کے علاقے نصیرآباد میں فائرنگ کے واقعے میں 2 افراد زخمی، ملزمان فرار ہونے میں کامیاب ہو گئے۔ اطلاعات کے مطابق واقعہ وزیرانی کے مقام پر پیش آیا، جہاں مسلح افراد نے فائرنگ کرکے 2 افراد کو زخمی کر دیا، جبکہ ملزمان موقع سے فرار ہو گئے۔ زخمیوں کو سول اسپتال ڈیرہ مراد جمالی منتقل کر دیا گیا، زخمی ہونے والے سگے بھائی ہیں، پولیس نے مقدمہ درج کرکے ملزمان کی گرفتاری کے لیے کارروائی شروع کر دی۔