وزیراعظم شہباز شریف کی ڈونلڈ ٹرمپ کو امریکی انتخابات میں کامیابی پر مبارکباد

وزیراعظم شہباز شریف نے نومنتخب امریکی صدر ڈونلڈ ٹرمپ کو انتخابات میں دوسری بار کامیابی پر مبارک باد دی ہے۔

وزیراعظم شہباز شریف نے مائیکرو بلاگنگ ویب سائٹ ’ایکس‘ پر ڈونلڈ ٹرمپ کو امریکی انتخابات میں کامیابی پر مبارکباد دیتے ہوئے کہا کہ ڈونلڈ ٹرمپ نے امریکی انتخابات میں تاریخی کامیابی حاصل کی ہے، نئی انتظامیہ کے ساتھ تعلقات کو مزید مستحکم بنانے کے لیے پرعزم ہوں ۔

واضح رہے کہ ڈونلڈ ٹرمپ ایک بار پھر امریکا کے صدرمنتخب ہوگئے،  ڈونلڈ ٹرمپ نے 277 الیکٹورل ووٹس حاصل کرکے کملا ہیرس کو شکست دیدی۔