ٹنڈوآدم( نمائندہ جسارت)ٹنڈوآدم میں تین مختلف حادثات میں خاتون سمیت دو افراد جاں بحق دس افراد زخمی ۔تفصیلات کے مطابق ٹنڈوآدم میں بی سیکشن تھانے کی حدود فوجی موڑ کے قریب تیز رفتار ٹریکٹر نے موٹر سائیکل پر سوار گاوں عبدالمجید ڈیرو کا رہائشی 42سالہ دلاور لاشاری کو کچل ڈالا جو موقع پر ہی جاں بحق ہوگیا جبکہ متوفی کی جواں سالہ بیٹی شہزادی دو بچے عمر اور ابوبکر کو شدید زخمی حالت میں پولیس نے تعلقہ اسپتال ٹنڈوآدم میں طبی امداد دینے کے بعد حیدآباد ریفر کردیا دوسری جانب بی سیکشن تھانے کی حدود میں چاکرانی پمپ کے قریب آمنے سامنے سے آنے والی موٹر سائیکلوں کی ٹکر کے نتیجے میں 4 افراد ملا مکھن کے رہائشی فیضان شیخ، ذیشان،شیخ، بابر قریشی گاوں،جمن برڑو کا،رہائشی شاہ عالم ابڑو شدید زخمی ہو گئے زخمیوں کو تعلقہ اسپتال ٹنڈوآدم میں طبی امداد دینے کے حیدرآباد سول اسپتال ریفر کردیا گیا۔ علاہ ازیں گزشتہ شب روڈ حادثے میں زخمی ہونے والی خاتون میرجی بھیل حیدرآباد سول اسپتال میں زخموں کی تاب نہ لاتے ہوئے جاں بحق ہو گئی جبکہ شوہر ملو بھیل اور بیٹا وجی بھیل اور سلیم سولنحی زخمی ہو گئے تھے جو اسپتال میں زیر علاج ہیں متوفی کی نعشیں گھر پہنچنے پر کہرام مچ گیا ۔ واضح رہے کہ تیز رفتاری کے باعث گزشتہ 24گھنٹو ں کے دوران تین حادثات میں خاتون ، سمیت دو افراد جاں بحق اور دس افراد زخمی ہوگئے ہیں جو اسپتال میں زیر علاج ہیں ۔
