محراب پور(جسارت نیوز)پولیس نے منشیات فروشوں کی گرفتار ی بغیر ہی 4 کارٹن (96) بوتل شراب برآمد کرنے کا دعوی کر دیا،ضلعی پولیس ترجمان نوشہرو فیروز پولیس شوکت کلو کے مطابق نوشہرو فیروز پولیس نے ٹھارو شاہ رابطہ سڑک(لنک روڈ) پرایک جی ایل آئی کار نمبر اے، ٹی،ایچ 26 سے 4 کارٹن (96) بوتل شراب برآمدکرکے کار کو تحویل میں لے لیا ہے، ملزم فرار ہونے میں کامیاب ہو گئے، پولیس نے مفرور ملزمان کیخلاف سرکار کی مدعیت میں منشیات کی دفعات کے تحت مقدمہ درج کرلیا ہے۔ ذرائع کے مطابق پولیس کارروائی اور ملزمان کے فرار ہونے کی خبر مشکوک دکھائی دیتی ہے اور عوام میں یہ تاثر پایا جاتا ہے کہ مک مکا کے بعد ملزمان فرار ہوئے ہیں۔ ذرائع نے یہ بھی بتایا کہ پکڑی گئی کارٹویاٹا کرولا ماڈل 2010 ء ہے جوسید شفیق احمد کے نام سے رجسٹرڈ ہے۔
