بھارت : مسافر بس کھائی میں گرنے سے 36 افراد ہلاک ‘19 زخمی

نئی دہلی (انٹرنیشنل ڈیسک) بھارتی ریاست اترا کھنڈ میں تیز رفتار مسافر بس ڈرائیور سے بے قابو ہو کر کھائی میں جا گری۔ بھارتی میڈیا کے مطابق حادثے کا شکار ہونے والی بس گولی کھال سے علاقے رام نگر جا رہی تھی،جس میں 50 سے زائد مسافر سوار تھے۔ زیادہ تر ہلاکتیں ریسکیو ٹیموں کے تاخیر سے پہنچنے کے باعث ہوئیں۔ امدادی کاموں کے دوران 36 مسافروں کی لاشیں نکالی گئیں جب کہ 19 کو زخمی حالت میں اسپتال منتقل کیا گیا۔حکام کا کہنا ہے کہ زخمیوں میں سے 7 کی حالت نازک ہونے کے سبب ہلاکتوں میں اضافے کا خدشہ ظاہر کیا جا رہا ہے۔