گلین میسکویل نے پاکستان ٹیم کو وائٹ بال میں خطرناک قرار دے دیا

میلبرن (اسپورٹس ڈیسک )آسٹریلیا کے جارح مزاج بیٹر گلین میکسویل نے پاکستان کو خطرناک ٹیم قرار دے دیا۔پاکستان کے خلاف ون ڈے سیریز سے قبل آسٹریلیوی آل رائونڈر گلین میکسویل نے کہا کہ پاکستان ایک ایسی ٹیم ہے جس کے خلاف پلاننگ بنانا بہت مشکل ہوتا ہے، پاکستان کی وائٹ بال ٹیم بہت خطرناک ہے۔انہوں نے کہا کہ آپ کو کبھی نہیں پتا ہوتا کہ ان کے خلاف کیا ہوگا۔ گلین میکسویل نے کہا کہ ورلڈ کپ میچ میں بھی پاکستان نے ہمیں تقریبا باہر کردیا تھا لیکن وہ میچ جیت گئے، آسٹریلیا اور پاکستان کی سیریز بہت دلچسپ ہوگی۔