کراچی (اسپورٹس رپورٹر) ریجنل کرکٹ ایسوسی ایشن کراچی اور میڈی کیم گروپ اف کمپنیز کے تعاون سے منعقد کردہ ٹچ می ٹرافی انڈر-15 انٹر زونل کرکٹ ٹورنامنٹ میں گزشتہ روز 2 میچز کا فیصلہ ہو گیا۔ پہلے میچ میں زون ایک وائٹس نے زون2 بلوز کو 9 وکٹوں سے شکست دے دی۔ زون2 بلوز پہلے بیٹنگ کرتے ہوئے 59 رنز بنا کر آؤٹ ہوگئی۔ سید ایان رضوی نے 11 رنز بنائے۔ رایٹ ار م لیگ اسپنر محمد اعظم عبا سی نے 6 رنز دیکر 4 جبکہ خبیب محمد ایک رن اور عر یب دانش نے 10 رنز دیکر2,2 کھلاڑیوں کو آؤٹ کیا۔ جواب میں زون ایک وائٹس نے ایک و کٹ کے نقصان پر مطلوبہ 60 رنز بنا لئے۔ زون ایک وائٹس کے محمد اعظم عباسی کو میچ کا بہترین کھلاڑی قرار دیا گیا۔ دوسرے میچ میں زون7 بلوز نے زون3 وائٹس کو 77 رنز سے ہرا دیا۔ زون 7 بلوز نے پہلے بیٹنگ کرتے ہوئے 160 رنز بنائے۔ عبداللہ نسیم نے 4 چوکوں کی مد د 48 اور حفیظ نے 39 رنز بنائے۔ رائٹ ار م لیگ اسپنر حمزہ سلمان نے جارحانہ بولنگ کرتے ہوئے 34 رنز دیکر 5، ابیر جاوید نے 28 رنز دیکر 3 جبکہ سلمان علی نے 2 کھلاڑیوں کو آؤٹ کیا۔ جواب میں زون 3 وائٹس کی ٹیم 83 رنز بنا کر آؤٹ ہوگئی۔سلمان علی نے 22 رنز بنائے۔حفیظ اور حسین عباس نے جارحانہ بولنگ کرتے ہوئے 3 اور 25 رنز دیکر 4,4 اور ایس ایم جرار نے 2 کھلاڑیوں کو آؤٹ کیا۔ میچ کے اختتام پر زون 7 بلوز کے حفیظ کو مین آف دی میچ قرار دیا گیا۔
