سکھر (نمائندہ جسارت) مغوی بازیاب، سکھر پولیس کی جانب سے گدپور کچے میں ڈاکوؤں کے خلاف جاری آپریشن میں سکھر پولیس کی کامیابی، دو ماہ قبل تھانہ گدپور کی حدود سے اغواکیے جانیوالے مغوی ٹیکسی ڈرائیور علی حسن سنجرانی کو باحفاظت بازیاب کرالیا گیا۔ترجمان پولیس کے مطابق پولیس نے انٹیلی جنس بیسڈ کارروائی کرتے ہوئے گڈپور تھانے کی حدود میں ڈاکوؤں کی نقل و حرکت کی اطلاع ملتے ہی پولیس اور ملزمان کے درمیان فائرنگ کا تبادلہ ہوا، پولیس کارروائی کے نتیجے میں اغوا کار مغوی کو چھوڑ کر فرار ملزمان کی گرفتاری کیلیے علاقے میں سرچ آپریشن جاری ہے۔
