میلوں کا سفر طے کرکے پاکستان آنے والے کچھوے مایوس لوٹنے لگے

کراچی(اسٹاف رپورٹر) میلوں کا سفر کر کے پاکستان آنیوالے سبز کچھوے مایوس لوٹنے لگے ہیں،تعمیرات اور تجاوزات کے باعث میلوں کا سفر طے کرکے پاکستان کی ساحلی پٹی پر آنے والے سبز کچھوے مایوس لوٹنے پر مجبور ہوگئے ہیں۔محکمہ جنگلی حیات سندھ نے ایڈیشنل ڈائریکٹر لینڈ ہاکس بے، کے ایم سی کو قوانین کی خلاف ورزی پر خط لکھ دیا۔محکمہ جنگلی حیات سندھ نے دعویٰ کیا ہے کہ سندھ وائلڈ لائف میرین کنزرویشن انفارمیشن سینٹر سے ملحقہ نرسری سائٹ پر عمارت کی تعمیر میں کے ایم سی ملوث ہے۔