نیشنل اسٹیڈیم کی اپ گریڈیشن کا پراجیکٹ تیزی سے آگے بڑھ رہا ہے، محسن نقوی

کراچی (اسپورٹس رپورٹر) چیئرمین پاکستان کرکٹ بورڈ (پی سی بی)محسن نقوی نے نیشنل ا سٹیڈیم کراچی کا دورہ کیا۔آئی سی سی چیمپئنز ٹرافی سے قبل نیشنل کرکٹ ا سٹیڈیم کراچی کی اپ گریڈیشن کا ٹاسک،نیشنل کرکٹ ا سٹیڈیم اپ گریڈیشن پراجیکٹ تیزی سے آگے بڑھنے لگا۔چیئرمین پی سی بی محسن نقوی نے پراجیکٹ پر پیش رفت کاجائزہ لیااور ا سٹیڈیم میں تعمیراتی کاموں کا معائنہ کیا۔چیئرمین پی سی بی محسن نقوی نے اپ گریڈیشن پراجیکٹ کا مشاہدہ کیا۔چیئرمین پی سی بی محسن نقوی نے اسکور سکرین کو مناسب جگہ نصب کرنے کی ہدایت کرتے ہوئے کہا کہ اسکور ا سکرین کی وجہ سے شائقین کرکٹ کو میچز دیکھنے میں مشکل پیش آتی ہے لہذا ا سکرین کو اونچائی پر نصب کیا جائے تاکہ شائقین کو کسی قسم کی دشواری کا سامنا نہ کرنا پڑے۔ چیئرمین پی سی بی محسن نقوی نے شائقین کرکٹ کی سہولت کیلئے پارکنگ ایریا کو اسٹیڈیم کے قریب کرنے کی ہدایت کی۔ چیئرمین پی سی بی محسن نقوی نے کہا کہ اپ گریڈیشن پراجیکٹ پر کام مزید تیز کیا جائے۔دن رات ایک کر کے منصوبے کو وقت سے قبل مکمل کیا جائے۔ انہوں نے کہا کہ دنیائے کرکٹ کی ٹاپ ٹیمیں چیمپئنز ٹرافی ٹورنامنٹ کیلئے آ رہی ہیں۔پاکستان کیلئے چیمپئنز ٹرافی کا انعقاد ایک اعزاز ہے۔چیئرمین پی سی بی محسن نقوی نے ایف ڈبلیو او کے حکام کو پراجیکٹ کی بروقت تکمیل کیلیے ہدایات دیں۔ایف ڈبلیو او کے حکام نے اپ گریڈیشن پراجیکٹ پر ہونے والی پیش رفت کے بارے بریفنگ دی۔ایڈوائزر عامر میر، مینجر نیشنل کرکٹ ا سٹیڈیم ارشد خان اور ایف ڈبلیو او کے اعلی حکام بھی اس موقع پر موجود تھے۔