فیڈرل بورڈ آف ریونیو نے غیرملکی سیاحوں کو سفر کے معاملات میں زیادہ سے زیادہ آسانیاں فراہم کرنے کے لیے تین ماہ کے لیے گاڑیاں ڈیوٹی کے بغیر درآمد کرنے کی اجازت دے دی ہے۔
غیر ملکی سیاح اب خصوصی اجازت نامے کے تحت تین ماہ کی مدت کے لیے گاڑیاں پاکستان منگوا سکیں گے۔ گاڑیاں ذاتی استعمال کے لیے منگوائے جانے پر کوئی امپورٹ ڈیوٹی نہیں لی جائے گی۔
تین ماہ مکمل ہونے پر یا تو سیاح اپنے اجازت نامے کے توسیع کروائیں گے یا پھر گاڑیاں واپس بھیج دیں گے۔ غیر ملکی سیاحوں کے ہدایت نامہ جاری کردیا گیا ہے تاکہ بعد میں پریشانی کا سامنا نہ کرنا پڑے۔
پاکستان میں قیام کے دوران سیاح خصوصی انتظام کے تحت جو گاڑیاں ذاتی استعمال کے لیے لائیں گے انہیں کسی اور کو دینے یا اُس کے نام کرنے کی گنجائش نہیں ہوگی۔ میعاد ختم ہونے پر یہ گاڑیاں ملک سے باہر لے جانا ہوں گی۔
