لاہور: پنجاب کے صوبائی دار الحکومت لاہور میں مجموعی طور پر ایئر کوالٹی انڈیکس 202 تک جاپہنچا، جس کے باعث آلودگی کے اعتبار سے لاہور دنیا بھر میں دوسرے نمبر پر پہنچ گیا۔
تفصیلات کے مطابق ایئر کوالٹی انڈیکس سب سے زیادہ برکی روڈ پر 364 تک اے کیو آئی ریکارڈ کیاگ، گلبرگ 2 کے علاقے میں 276، ڈی ایچ اے فیز 5 کے علاقے میں 271، سید مراتب علی روڈ پر 261 ریکارڈ کیا گیا۔
اس کے علاوہ شملہ پہاڑی میں اے کیو آئی انڈیکس 248، جوہر ٹان میں 244، بھٹہ چوک کے علاقے میں 231، ٹھوکر نیاز بیگ کے علاقے میں 198 ریکارڈ کیا گیا۔
اس حوالے سے طبی ماہرین کا کہنا ہے کہ شہری ماسک اور عینک کا استعمال یقینی بنائیں، اچھی خوراک، ڈرائی فروٹ اور قہوے کا استعمال کو بھی یقینی بنائیں۔
