اسلام آباد: دنیا بھر میں پولیو کے خلاف عالمی دن کے موقع پر پاکستان میں پولیو وائرس کا ایک نیا کیس رپورٹ ہوا ہے۔
تفصیلات کے مطابق پولیو وائرس کا کیس خیبر پختونخوا کے ضلع کوہاٹ کی تحصیل درہ آدم خیل کے علاقہ بوستی میں رپورٹ ہوا ہے جس کے بعد رواں سال ملک بھر میں پولیو کیسز کی تعداد 40 تک ہو گئی ہے۔
ذرائع کا کہنا ہے کہ پولیو سے متاثرہ بچے کی عمر ڈھائی سال ہے، متاثرہ بچے میں وائلڈ پولیو وائرس ٹائپ ون کی تصدیق ہوئی ہے۔
خیال رہے کہ رواں سال کوہاٹ سے پولیو وائرس کا دوسرا کیس رپورٹ ہوا ہے، اس سے قبل پہلا کیس گذشتہ ماہ سامنے آیا تھا۔
