سکھر (نمائندہ جسارت) پولیس مقابلہ، تھانہ روہڑی کی حدود جاڑے ماہ کے قریب پولیس اور ڈاکوؤں کے درمیان مقابلے میں ڈاکو عبدالحمید چکرانی زخمی حالت میں گرفتار، اسلحہ برآمد، ساتھی فرار ہو گیا۔ ترجمان پولیس کے مطابق گرفتار ڈاکو چوری، ڈکیتی، پولیس مقابلوں سمیت متعدد سنگین وارداتوں میں مطلوب تھا، گرفتار ڈاکو واردات کے ارادے سے شاہراہ پر موجود تھے کہ پولیس کو دیکھتے ہی فائرنگ شروع کردی، پولیس تعاقب کے دوران ایک ڈاکو زخمی حالت میں گرفتار کرلیا گیا، ڈاکو کے قبضے سے ٹی ٹی پستول میگزین، گولیاں اور چوری شدہ آرٹیفیشل جیولری برآمد کی گئی ہے، گرفتار زخمی ڈاکو کو متعلقہ اسپتال منتقل کردیا گیا، جبکہ دیگر فرار ملزمان کی گرفتاری کے لیے علاقے میں سرچ آپریشن جاری ہے۔
