سکھر(نمائندہ جسارت) جمعیت طلبہ عربیہ سکھر کے زیراہتمام طلبہ کانفرنس منعقد ہوئی، کانفرنس سے منتظم جمعیت طلبہ عربیہ سندھ حافظ حذیفہ احمدخان، امیر جماعت اسلامی ضلع سکھر مولانا حزب اللہ جکھرو ، امیر سکھر زبیرحفیظ شیخ، نائب امیر ضلع ایڈوکیٹ مولاناسلطان احمد لاشاری ،منتظم جمعیت طلبہ عربیہ ضلع سکھر شہباز علی بگٹی سمیت دیگر نے خطاب کیا۔ علاوہ ازیں منتظمِ جمعیت طلبہ عربیہ سندھ حافظ حذیفہ احمدخان نے جامعہ مسجد قبا سکھر کا دورہ کیا۔ انہوں نے مولانا عبدالکریم مہر صاحب مدیر مدرسہ ہذا و دیگر سے ملاقات کی۔ اس موقع پر اتحاد طلبہ مدارس مہم کی تفصیلات،مدارس کی اسناد،پرائیویٹ تعلیمی بورڈز کی منظوری، رجسٹریشن و بینک اکاؤنٹ کے حوالے سے مدارس کو درپیش مشکلات کے حوالے سے تفصیلی گفتگو کی، نشست میں منتظم سکھر شہباز علی بگٹی، امین ضلع حبیب اللہ، سرپرست شعبہ تعمیر مساجدومدارس مولاناموسی منصوری ،منتظم سکھر شہباز علی بگٹی، امین ضلع حبیب اللہ بھی موجود تھے۔ علاوہ ازیں منتظم جمعیت طلبہ عربیہ سندھ حافظ حذیفہ احمدخان نے دارالعلوم تفہیم القرآن سکھر کا دورہ کیا، اس موقع پر اتحاد طلبہ مدارس مہم کی تفصیلات، مدارس کی اسناد،پرائیویٹ تعلیمی بورڈز کی منظوری، رجسٹریشن و بینک اکاؤنٹ کے حوالے سے مدارس کو درپیش مشکلات کے حوالے سے اجتماع ارکان وامیدواران سے خطاب کیا، نشست میں منتظم سکھر شہباز علی بگٹی، امین ضلع حبیب اللہ بھی موجود تھے۔
