کراچی: شہر قائد کے علاقے لی مارکیٹمیں رہائشی عمارت کی ساتویں منزلسے ملی چار خواتین کی لاشوں کےکیس کی تفتیش میں پیشرفت سامنے آئی ہے۔
پولیس ذرائع کے مطابق ملزم بلال نے ماں، بہن، بھانجی اور بھابھی کو قتل کرنےکا اعتراف کرلیا ہے۔ ملزم بلال نے تیز دھار آلے سے ماں، بہن، بھانجی اور بھابھی کو قتل کیا۔
پولیس کا کہنا ہے کہ ملزم بلال اپنی اہلیہ کو بھی طلاق دے چکا ہے۔ ملزم اپنی بہن پر ناجائز تعلقات کا شک کرتا تھا۔ ملزم کے اعتراف جرم کے بعد مقدمہ درج کیا جارہا ہے۔
خیال رہے کہ رہائشی عمارت کے فلیٹ سے تشدد زدہ 4 خواتین کی گلا کٹی ہوئی لاشیں برآمد ہوئی تھیں، قتل کی گئی خواتین میں ماں، بیٹی، نواسی اور بہو شامل ہیں جن کی عمریں 51، 18، 19اور 13سال ہیں۔
پولیس کا کہنا تھا کہ واقعہ رہائشی عمارت کی ساتویں منزل پر واقع فلیٹ میں پیش آیا، چاروں لاشیں الگ الگ کمروں سے ملیں، چاروں خواتین کو تشدد کے بعد قتل کیا گیا۔
