دھابیجی (نمائندہ جسارت) ایس ایس پی ٹھٹھہ ڈاکٹر محمد عمران خان کے احکامات پر پولیس نے دھابیجی، گھارو سمیت ضلع ٹھٹھہ کے مختلف مقامات پر کارروائیاں کر کے 2 گٹکا فروش گلزار عرف گل حسن بروہی، طارق شاہ پٹھان کو 1770 پیکٹ گٹکا، ماوا، 17 کلو گٹکا میٹریل، ایک رکشہ اور دیگر 10 منشیات فروش حامد شیخ، حیدر چانڈیو، پنھل کلوئی، مقبول جونیجو، بلاول جوکھیو، حنیف بٹ، کریم عرف کرو خاصخیلی، اشوک مہیشوری، اشرف ملاح، حیدر چانڈیو کو 147 بیگز دیسی شراب سمیت گرفتار کرلیا۔ گرفتار ملزمان کے خلاف گٹکا ایکٹ اور منشیات آرڈیننس کے تحت الگ الگ مقدمات درج کر دیے گئے۔
