سمندری طوفان کا رخ عمان کی طرف ہونے کا امکان ہے، محکمہ موسمیات

محکمہ موسمیات نے ایک بیان میں کہا، کہ”مغربی وسطی بحیرہ عرب پر موجود دباؤ پچھلے 10 گھنٹوں کے دوران آہستہ آہستہ مغرب کی طرف بڑھ گیا ہے اور یہ کراچی سے تقریباً 1,190 کلومیٹر جنوب مغرب میں واقع ہے۔”

نوٹ کیا گیا کہ سسٹم کے مرکز کے ارد گرد 30-40 کلومیٹر فی گھنٹہ کی رفتار سے ہوائیں چلنے کا امکان ہے، جو شام تک 50 کلومیٹر فی گھنٹہ تک جا سکتی ہیں اور اس کے بعد کم ہو جائیں گی۔ بیان میں مزید کہا گیا کہ سمندر کی حالت شام تک خراب رہے گی اور اس کے بعد بہتر ہو جائے گی۔

محکمہ موسمیات  نے یہ بھی کہا کہ یہ سسٹم آج دوپہر تک ایک نمایاں کم دباؤ کے علاقے میں تبدیل ہو سکتا ہے۔

دریں اثناء، ایک مقامی اخبار نے رپورٹ کیا کہ اس سسٹم سے پاکستان کے ساحلی علاقوں کو کوئی خطرہ نہیں ہے۔