پاکستانی خاتون نائلہ کیانی نے نیپال میں مکالو نامی چوٹی کو سر کر لیا ہے جس کے بعد وہ پاکستان کی تاریخ میں آٹھ ہزار میٹر بلند 11 چوٹیاں سر کرنے والی پہلی خاتون بن گئی ہیں۔
دنیا کی پانچویں بلند ترین چوٹی مکالو کو کامیابی سے سر کر کے ایک اور تاریخی سنگ میل حاصل کیا ہے۔ یہ شاندار کارنامہ انہیں پہلی پاکستانی خاتون بھی بناتا ہے جس نے اس ناقابل یقین حد تک مشکل پہاڑ کو سر کیا ہے۔نائلہ کیانی نے دنیا بھر میں موجود آٹھ ہزار میٹر سے بلند 11 چوٹیاں تین سال کے عرصے میں سر کی ہیں جس کے بعد اب انہوں نے 11 چوٹیاں تیز رفتاری سے سر کرنے کا ریکارڈ بھی بنا لیا ہے ۔
