لندن (اسپورٹس ڈیسک) لیور پول کی ٹیم اپنی شاندار کارکردگی کی بدولت انگلش پریمیئر لیگ کے پوائنٹس ٹیبل پر پہلی پوزیشن پر براجمان ہے ، دفاعی چیمپئن مانچسٹر سٹی دوسرے جبکہ آرسنل کی ٹیم تیسرے نمبر پر ہے لیورپول کی ٹیم کے اب تک کھیلے گئے میچز کے بعد سب سے زیادہ 18پوائنٹس ہیں، دفاعی چیمپئن مانچسٹر سٹی کی ٹیم17پوائنٹس کیساتھ دوسرے جبکہ آرسنل کی ٹیم کے بھی 17 ہی پوائنٹس ہیں اور وہ تیسرے نمبر پر ہے۔ انگلش پریمیئر لیگ کے33 ویں سیزن کے مجموعی طور پر ٹاپ فلائٹ انگلش فٹ بال کا 126واں ایڈیشن ہے۔ لیگ میں شامل تمام 20 ٹیموں نے اپنے 7،7 میچز کھیلے لئے ہیں ۔لیور پول کی ٹیم7میچز کھیل چکی ہے اور اس کو 6میچز میں فتح جبکہ ایک میچ میں شکست کا سامنا کرنا پڑا اور وہ سب سے زیادہ 18 پوائنٹس کے ساتھ ٹاپ پوزیشن پر موجود ہے۔ دفاعی چیمپئن مانچسٹر سٹی کی ٹیم نے بھی 7میچز کھیل لئے ہیں جن میں وہ 5میچ جیت چکی ہے اور اس کے2 میچز ڈرا ہوئے ہیں ،لیکن اس کو تاحال شکست نہیں ہوئی ،یہ ٹیم 17 پوائنٹس کے ساتھ دوسرے نمبر پر ہے۔
