حیدر آباد (اسپورٹس ڈیسک) بھارت اور بنگلا دیش کی کرکٹ ٹیموں کے درمیان 3 ٹی ٹوئنٹی بین الاقوامی میچوں پر مشتمل سیریز کا تیسرا اور آخری میچ آج راجیو گاندھی انٹرنیشنل ا سٹیڈیم ،حیدر آباد میں کھیلا جائے گا۔بھارت کو3 میچوں کی سیریز میں بنگلا دیش کے خلاف 0-2 کی برتری حاصل ہے۔ بھارت نے پہلے ٹی ٹوئنٹی میچ میں بنگال ٹائیگرز کو 7 وکٹوں جبکہ دوسرے ٹی ٹوئنٹی میچ میں 86 رنز سے شکست دی تھی۔ اس سے قبل دونوں ٹیموں کے درمیان کھیلی گئی 2 ٹیسٹ میچوں کی سیریز میں میزبان بھارتی ٹیم نے مہمان بنگلادیشی کی ٹیم کو کلین سویپ کیا تھا۔
