تھائی لینڈ میں سیلاب سے 26 افراد ہلاک‘ 30 ہزار متاثر

بنکاک (انٹرنیشنل ڈیسک) تھائی لینڈ کے 20 صوبوں میں سیلاب نے 30 ہزار خاندان متاثر اور 26 افراد ہلاک ہوگئے۔ خبررساں اداروں کے مطابق تھائی لینڈ میں شدید بارش اور سیلاب سے تقریباً 20 صوبے زیر آب آ چکے ہیں جبکہ کئی علاقے حالیہ ہفتوں کے دوران سیلاب، طوفانی بارش اور لینڈ سلائیڈنگ کی زد میں آئے ہیں۔ سیلاب کی وجہ سے سب سے زیادہ متاثر ہونے والے صوبے چیانگ مائی کے ایلیفینٹ نیچر پارک میں سیلاب کی وجہ سے 2ہاتھی بھی ڈوب گئے ۔ حکام کا کہنا ہے کہ سیلاب میں پھنسے ہوئے جانوروں کی تلاش کے لیے ہر طرح کی کوششیں جاری ہیں۔