کراچی: معروف عالم دین اور صدر وفاق المدارس العربیہ مفتی تقی عثمانی کا کہنا ہےکہ مغربی ممالک کی غلامی کا طوق مسلم ممالک نے پہنا ہوا ہے،غزہ کے مسلمانوں کی مدد کرنا ہر مسلمان پر فرض عین ہے۔
فلسطین کانفرنس سے خطاب کرتے ہوئے مفتی تقی عثمانی نے کہاکہ مجاہدوں نے ثابت کیا کہ انہیں دنیا کی کوئی طاقت مرعوب نہیں کرسکتی، اسرائیل کا حماس کو ختم کرنےکا خواب پورا نہیں ہوا، ہر مسلمان کی ذمہ داری ہےکہ جس طرح ہو فلسطینیوں کی مددکرے۔
انہوں نے مزید کہا کہ آج کراچی کی تاریخ کی منفرد رات ہے، تمام مکاتب فکر کے علما موجود ہیں، حکمران لفظی حمایت کے بجائے عملی اقدام کریں، ہم براہ راست جنگ کی پوزیشن میں نہیں۔
