اسلام آباد( آن لائن،صباح نیوز) الیکشن کمیشن آف پاکستان نے کہا کہ غیر متوقع حالات کی وجہ سے امیدواروں کو امتحانی مراکز تک پہنچنے میں درپیش مشکلات کے پیش نظر، 6 اکتوبر 2024 کو اسلام آباد اور کراچی مراکز پر منعقد ہونے والے ڈپٹی اسسٹنٹ ڈائریکٹر (اکائونٹنٹ)، سینئر اسسٹنٹ اور جونیئر اسسٹنٹ کے عہدوں کے لیے مقررہ ٹیسٹ موخر کر دیے گئے ہیں۔جاری بیان کے مطابق امتحانات کی نئی تاریخ اور وقت کا اعلان مناسب وقت پر کر دیا جائے گا۔الیکشن کمیشن آف پاکستان تمام امیدواروں سے اس تکلیف پر معذرت خواہ ہے اور ان کے تعاون کا شکریہ ادا کرتا ہے۔ علاوہ ازیںننکانہ صاحب میں پی ٹی آئی احتجاج کے پیش نظر جرمن وفد نے دورہ گوردوارہ ملتوی کردیا۔جرمن وفد نے گوردوارہ جنم استھان کا دورہ کرنا تھا۔ جرمن وفد نے شاہ کوٹ میں پاک جرمن دوستانہ ہاکی میچ میں شریک ہونا تھا جرمن وفد موٹر وے بند ہونے کی وجہ سے واپس چلا گیا۔وفد کے نہ آنے کی وجہ سے پاک جرمن دوستانہ ہاکی میچ بھی ملتوی کر دیا گیا۔
