بیجنگ (اسپورٹس ڈیسک) اسپین کے نامور ٹینس ا سٹار کارلوس الکاراز نے اپنی عمدہ کارکردگی کی بدولت چین کے دارالحکومت بیجنگ میں چائنا اوپن ٹینس ٹورنامنٹ جیت لیا۔ 21سالہ کارلوس الکاراز نے مردوں کے سنگلز مقابلوں کے فائنل میچ میں اٹلی کے نامور ٹینس ا سٹار ، عالمی نمبر ایک ،ایونٹ کے ٹاپ سیڈڈ اور دفاعی چیمپئن جینک سنر کو شکست دے کر کیریئر کا 16 اے ٹی پی ٹائٹل اپنے نام کرلیا۔ چین کے دارالحکومت بیجنگ میں چائنا اوپن ٹینس ٹورنامنٹ میں مردوں کے سنگلز مقابلوں کے فائنل میچ میں ہسپانوی ٹینس ا سٹار کارلوس الکاراز اور 23 سالہ اٹالین ٹینس اسٹار ٹاپ سیڈڈ اور دفاعی چیمپئن جینک سنرآمنے سامنے تھے،دونوں کھلاڑیوں میں کانٹے دار مقابلہ ہوا ۔
