سکھر (نمائندہ جسارت) پسند کی شادی کرنے والی لڑکی حمیرا انصاری کی گھوٹکی سے لاش برآمد ، لواحقین کی جانب سے شوہر پر قتل کر کے لاش دریا میں پھینکنے کا الزام، نصرت کالونی نمبر 5 کی رہائشی حمیرا انصاری کے لواحقین اور ورثا نے پریس کلب پر احتجاج کیا اور دھرنا دیا ۔ ورثاء کے مطابق انہوں نے بچی کی ایک ماہ قبل راحب میرانی سے شادی کی تھی، ہمیں اپنی بچی کی لاش کل سول اسپتال گھوٹکی سے ملی ہے، اس کے شوہر پر شک ہے کہ اسی نے قتل کیا ہے ، گھوٹکی پولیس ہمارے ساتھ تعاون کرنے سے گریزاں اور ایف آئی آر تک درج نہیں کررہی ۔ اعلیٰ حکام سے مطالبہ ہے کہ واقعے کا نوٹس اور ہمیں تحفظ فراہم کیا جائے۔
