میلبرن(اسپورٹس ڈیسک )پاکستان کے سابق کپتان یونس خان آسٹریلیا کے کرکٹ سیزن کی تقریب کے مہمان کھلاڑیوں میں شامل ہو گئے۔کرکٹ آسٹریلیا کے مطابق انٹرنیشنل کرکٹ سیزن کے آغاز سے قبل کرکٹ فیسٹیول 5 اکتوبر کو میلبرن میں ہو گا۔کرکٹ فیسٹیول میں مداحوں کو نامور کرکٹرز سے ملنے کا موقع فراہم کیا جائے گا، پاکستان کے ٹی 20 ورلڈ کپ کے فاتح کپتان یونس خان بھی ان کھلاڑیوں میں شامل ہیں۔آسٹریلیا کے سابق کرکٹر ڈیمین فلیمنگ اور آل رائونڈر گلین میکسیویل بھی ان کرکٹرز میں شامل ہیں، دونوں کرکٹرز ورلڈ کپ وننگ ٹیموں کا حصہ ہیں۔کرکٹ فیسٹیول میں مداحوں کی دلچسپی کے لیے سرگرمیاں رکھی جائیں گی، کرکٹرز مداحوںکے ساتھ فوٹو سیشن کرائیں گے اور آٹو گراف بھی دیں گے۔
