اسلام آباد : رواں ماہ ملک بھر میں انسدادِ پولیو مہم کے دوران 3 کروڑ 30 لاکھ بچوں کو پولیو سے بچاؤ کے قطرے پلائے گئے۔
پاکستان انسدادِ پولیو پروگرام کے تحت دارالحکومت میں ایک اعلیٰ سطح جائزہ اجلاس کا انعقاد کیا گیا، جس کی قیادت وزیر اعظم شہباز شریف کی فوکل پرسن برائے انسدادِ پولیو عائشہ رضا فاروق نے کی۔ اس حوالے سے ای او سی کے ترجمان کا کہنا ہے کہ ملک بھر کے مختلف علاقوں سے پولیو کے متعدد کیسز سامنے آ رہے ہیں اور اس وائرس کے پھیلاﺅ سے 60سے زائد اضلاع شکار ہوچکے ہیں ۔
مقامی میڈیا نے بھی ترجمان ای او سی کا ایک بیان جاری کیا ہے جس میں بتایا گیا کہ اجلاس کا مقصد مہم کے نتائج کا تجزیہ اور کامیابیوں و چیلنجز کا تفصیلی جائزہ لینا تھا۔ اجلاس میں ای او سی کے کوآرڈینیٹرز نے ملک بھر کے 116 اضلاع میں مہم کی پیش رفت کا جائزہ لیا۔
