نئی دہلی(اسپورٹس ڈیسک)بھارت آئندہ ماہ 3 ٹیسٹ میچز کی سیریز کیلیے نیوزی لینڈ کی میزبانی کرے گا۔ بھارت کرکٹ اینڈ کنٹرول بورڈ (بی سی سی آئی)کے اعلامیے کے مطابق نیوزی لینڈ کی قومی کرکٹ ٹیم آئندہ ماہ بھارت کا دورہ کرے گی جہاں وہ اپنے دورہ بھارت کے دوران میزبان ٹیم کے خلاف3 ٹیسٹ میچز کی سیریز کھیلے گی۔ بھارت اور نیوزی لینڈ کی ٹیموں کے درمیان 3ٹیسٹ میچوں پر مشتمل سیریز کا آغاز 16 اکتوبر سے ہوگا ،یہ میچ ایم چناسوامی اسٹیڈیم، بنگلورو میں کھیلا جائے گا۔ دوسرا ٹیسٹ میچ 24 سے 28 اکتوبر تک مہاراشٹر کرکٹ ایسوسی ایشن اسٹیڈیم، پونے میں کھیلا جائے گاجبکہ تیسرا اور آخری ٹیسٹ میچ یکم نومبر سے 5 نومبر تک وانکھیڈے اسٹیڈیم، ممبئی میں کھیلا جائیگا۔
