کراچی: صدر میں واقع نعمان سینٹر کی بیسمنٹ میں لگی آگ پر قابو پالیا گیا ہے۔
کراچی کے علاقے صدر میں نعمان سینٹر کی بیسمنٹ کے میٹر روم میں آگ لگی، واقعے کی اطلاع ملنے پر فائر بریگیڈ کا عملہ اور متعلقہ ادارے پہنچے، جہاں ریسکیو ٹیموں نے آگ بجھانے کا عمل شروع کیا، آگ بجھانے میں 10 فائر ٹینڈر اور 2 واٹر باؤزر نے حصہ لیا ۔
اطلاعات کے مطابق آگ عمارت کے بیسمنٹ میں میٹر روم میں لگی۔ اس دوران عمارت میں دھواں زیادہ ہونے سے فائر فائٹرز کو عمارت میں داخل ہونے میں دشواری پیش آئی۔
فائر بریگیڈ حکام کے مطابق نعمان سینٹر کی بیسمنٹ میں موٹر سائیکلیں، رکشے اور گاڑیاں پارک ہیں، جو آگ لگنے سے متاثر ہوئیں جبکہ 3 گاڑیاں ،ایک رکشہ اور ایک موٹر سائکل مکمل جل گئی
