گوادر (نمائندہ جسارت) دارالعلوم سیکنڈری پبلک اسکول میں سیرت النبی صلی اللہ علیہ وسلم کے عنوان سے تقریری مقابلہ ہوا جس کے مہمانِ خصوصی اسسٹنٹ کمشنر جواد احمد زہری تھے۔ باقی مہمانوں میں ماسٹر عبدالمجید امیر جماعت اسلامی ضلع گوادر، محمد حسن ڈپٹی ڈسٹرکٹ ایجوکیشن گوادر، نادل علی اے ڈی او گوادر، وائس پرنسپل مولانا لیاقت اور ڈائریکٹر دارالعلوم اسکول جمیل یار موجود تھے ۔ پُر وقار تقریب کی صدارت پرنسپل اسکول مولانا محمد قاسم کر رہے تھے ، پروگرام میں مختلف کلاسز کے بچوں اور بچیوں نے تقاریر کیں اور شان اقدس صلی اللہ علیہ وسلم میں ہدیہ نعت پیش کیں، آخر میں پوزیشن لینے والے بچوں اور بچیوں میں انعامات تقسیم کیے گئے، نیز سالانہ امتحان 2023-24 میں مختلف کلاسز میں پوزیشن لینے والے طلبا کو انعامات دیے گئے۔
