وزیراعظم شہباز شریف نے لندن کے لیے روانگی کا آغاز کردیا ہے، جہاں سے وہ براہ راست امریکہ کے نیویارک شہر پہنچیں گے۔
میڈیا ذرائع کے مطابق ان کا یہ دورہ اقوام متحدہ کی جنرل اسمبلی کے اجلاس میں شرکت کے لیے ہے جو نیویارک میں منعقد ہو رہا ہے۔
وزیر اعظم شہباز شریف اس دورے کے دوران وزیر خزانہ محمد اورنگزیب اور وزیر اطلاعات عطا تارڑ کے ہمراہ ہوں گے جبکہ وزیر خارجہ اسحاق ڈار اس دورے میں شامل نہیں ہوں گے۔
یہ بھی پڑھیں: وزیر خارجہ اسحق ڈار کا دورہ امریکا ملتوی
دفتر خارجہ کے ترجمان نے وضاحت کی ہے کہ اسحاق ڈار کا دورہ امریکہ اس لیے منسوخ کیا گیا ہے کیونکہ ان کی سفارتی مصروفیات اور شنگھائی تعاون تنظیم (SCO) کے سربراہان حکومت اجلاس کی تیاریوں کے باعث وہ نیویارک نہیں جا سکیں گے۔
ترجمان دفتر خارجہ نے کہا کہ وزیراعظم شہباز شریف کا اقوام متحدہ کی جنرل اسمبلی کے اجلاس میں شرکت کا پروگرام بدستور برقرار ہے۔ ان کے دورے کا مقصد عالمی سطح پر پاکستان کی نمائندگی کرنا اور مختلف بین الاقوامی امور پر تبادلہ خیال کرنا ہے۔
