جہانگیر خان پی ایس اے سیٹلائٹ اسکواش کے کوارٹر فائنلز مکمل

کراچی ( اسپورٹس رپورٹر ) جہانگیر خان پی ایس اے سیٹلائٹ اسکواش چیمپئن شپ میں کوارٹر فائنل مرحلہ اختتام کو پہنچ گیا۔ روشن خان جہانگیر خان پاکستان نیوی اسکواش کمپلیکس میں پاکستان نیوی زیر اہتمام اور فرینڈز آف پاکستان کے تعاون سے ہونے والے ایونٹ کے کوارٹر فائنل میں آرمی کے صدام الحق نے سندھ کے محمد زمان کو اسٹریٹ گیمز میں 3-0 سے آؤٹ کلاس کیا۔ صدام کی جیت کا اسکور11-9،11-6 اور11-6 رہا۔ محمد عماد گل نے اذلان خاور کو3-0 سے شکست دی۔ عماد نے صرف 25منٹ میں11-3، 11-3 اور11-8 سے کامیابی حاصل کی۔ سخی اللہ نے عبدالباسط کے خلاف 3-0 سے فتح سمیٹی۔ پشاور کے ہریرہ خان کو عبداللہ بٹ کے خلاف جیت کے لیے سخت مزاحمت کا سامنا کرنا پڑا۔ ہریرہ نے دلچسپ مقابلے کے بعد 3-2 گیمز سے کوارٹر فائنل جیتا۔