پشاور(آئی این پی ) خیبرپختونخوا چائلڈ پروٹیکشن اینڈ ویلفیئر کمیشن نے یونیسیف کے تعاون سے مردان میں چائلڈ پروٹیکشن یونٹ کا افتتاح کردیا ہیا۔ افتتاحی تقریب میں اہم اسٹیک ہولڈرز، اعلی سرکاری افسران، سول سوسائٹی کے نمائندوں، تعلیمی اداروں اور ضلع مردان کے بچوں نے شرکت کی ۔اس موقع پر جمال شاہ، ڈسٹرکٹ آفیسر سوشل ویلفیئر،ا سپیشل ایجوکیشن اینڈ ویمن امپاورمنٹ مردان نے چائلڈ پروٹیکشن یونٹ کی اہمیت اور خطے میں بچوں کے حقوق اور فلاح و بہبود کے تحفظ روشنی ڈالییونیسیف پشاور کے پروگرام مینیجر وسام حازم نے ضلع مردان میں چائلڈ پروٹیکشن یونٹ کا افتتاح کرنے پر کے پی حکومت کا شکریہ ادا کیا۔ انہوں نے ضلعی انتظامیہ اور کے پی چائلڈ پروٹیکشن اینڈ ویلفیئر کمیشن کو سی پی یو کے قیام میں ان کی قیادت پر مبارکباد بھی پیش کی، جو ضلع میں بچوں کے تحفظ کے نظام کو مضبوط بنانے میں معاون ثابت ہوں گے۔ حازم نے ان کوششوں کی حمایت کے لیے یونیسیف کے مسلسل عزم کا اعادہ کیا۔ یونیسیف پشاور کے چائلڈ پروٹیکشن کے ماہر سہیل احمد نے روشنی ڈالی کہ مردان میں سی پی یو کا افتتاح اختتامی نہیں بلکہ ایک جاری کوشش کا آغاز ہے۔ انہوں نے اس بات پر زور دیا کہ بچوں کے لیے ایک محفوظ پرورش کا ماحول پیدا کرنے کے لیے کمیونٹی، حکومت اور شراکت داروں کی طرف سے مستقل اور اجتماعی کارروائی کی ضرورت ہے۔انہوں نے اس بات پر بھی زور دیا کہ بچوں کے تحفظ کے نظام کو مضبوط بنانے کے لیے صحت، تعلیم، سماجی بہبود اور انصاف جیسے مختلف شعبوں میں خدمات کو مربوط کرنے کی ضرورت ہے۔ انہوں نے صوبہ بھر میں 21 چائلڈ پروٹیکشن یونٹس قائم کرنے کے لیے خاص طور پر عوامی فنڈز کی سرمایہ کاری کے لیے کے پی حکومت کے عزم کو سراہا۔تقریب میں خیبرپختونخوا میں چائلڈ پروٹیکشن سسٹم کی ترقی کے پریزنٹیشن سیشن شامل تھے، جو کے پی چائلڈ پروٹیکشن اینڈ ویلفیئر کمیشن کے ڈپٹی چیف پروٹیکشن آفیسر اعجاز محمد خان نے پیش کیا۔ انہوں نے خیبر پختونخواہ (کے پی) میں بچوں کے تحفظ کے نظام کے سفر کا ایک جائزہ فراہم کیا، انہوں نے کے پی چائلڈ پروٹیکشن اینڈ ویلفیئر ایکٹ 2010 اور اس کے بعد کی جانے والی ترامیم پر روشنی ڈالی، پریزنٹیشن میں کمیشن کے اہم کاموں کا احاطہ کیا گیا، جیسے بچوں کے حقوق کی کوششوں کو مربوط کرنا، خلاف ورزیوں کی نگرانی کرنا، اور عوامی بیداری کو بڑھانا۔
