محراب پور (جسارت نیوز) دریا خان مری اور کوٹری کبیر میں اسکول کی عمارت کا پلستر گرنے لگا، طلبہ اور ورثا کا احتجاج، دریا خان مری کے قریب پرائمری اسکول حاجی حمزو خان موریجو کے کمروں کی چھت کا پلستر گرنے سے طالب علم معجزانہ طور پر محفوظ رہے، کوٹری کبیر کے گورنمنٹ پرائمری اسکول کی کمروں کی چھت کا پلستر بھی گرنا شروع ہوگیا جس کی وجہ سے طلبہ میں خوف و حراس پھیل گیا، ان دونوں اسکولوں کی ناقص حالت، پلستر گرنے کے واقعات پر طلبہ نے احتجاج کرتے ہوئے بتایا کہ 2022 کی طوفانی بارشوں میں اسکول کی عمارتیں مکمل ناکارہ ہو گئی تھیں، مرمت نہ ہونے سے کمروں کا پلستر گرنا معمول بن گیا ہے جس سے اسکول میں زیر تعلیم 200 طلبہ و طالبات خوف کے سائے میں تعلیم حاصل کرنے پر مجبور ہیں۔
