ہلنبیور(اسپورٹس ڈیسک) ایشین ہاکی چیمپئن ٹرافی میں جنوبی کوریا نے پاکستان کے خلاف آخری سیکنڈز میں گول کرکے میچ2-2 گول سے برابر کردیا۔ چین کے شہر ہلنبیور میں ایشین ہاکی چیمپئن شپ میں پاکستان اور جنو بی کوریا کے درمیان میچ2-2گول سے برابر ہوگیا۔ ایشین ہاکی چیمپئنز ٹرافی میں پاکستان اور جنوبی کوریا کے درمیان کھیلے گئے میچ میں کوریا نے دوسرے ہی کوارٹر میں گول کرکے برتری قائم کی جو تیسرے کوارٹر تک برقرار رہی۔ پاکستان ٹیم تیسرے کوارٹر تک کوئی گول نہ کرسکی تھی اور ایک گول سے ہار رہی تھی لیکن چوتھے کوارٹر میں پاکستان ٹیم نے شاندار کم بیک کیا اور حنان شاہد نے اوپر نیچے2 گول کردیے۔ دوران میچ ایک وقت پر پاکستان2-1 سے جیت رہا تھا مگر میچ کے اختتام میں 9 سیکنڈ باقی تھے کہ جنوبی کوریا نے ایک اور گول کرکے مقابلہ 2-2 گول سے باربر کردیا۔ قومی ٹیم ایونٹ میں تیسرا میچ کل جاپان کے خلاف میچ کھیلے گی۔
