گوادر(اسپورٹس ڈیسک) ڈسٹرکٹ کرکٹ ایسوسی ایشن گوادر کے زیر اہتمام پاکستان کرکٹ بورڈ انٹر ڈسٹرکٹ کرکٹ ٹورنامنٹ گوادر کے میچ میں نیواسٹار کرکٹ کلب گوادر نے گٹھی ڈور کرکٹ کلب گوادر کو 91 کے بڑے مارجن سے شکست دے دی۔ ڈسٹرکٹ کرکٹ ایسوسیشن گوادر کے زییر اہتمام پاکستان کرکٹ بورڈ انٹر ڈسٹرکٹ کرکٹ ٹورنامنٹ میچ میں گٹھی ڈور کلب کے کپتان شاہد مجید نے ٹاس جیت کر نیواسٹار کرکٹ کلب گوادر کو بیٹنگ کی دعوت دی۔نیواسٹار کرکٹ کلب نے 39 اوورز میں 167 رنز اسکور کیے جس میں واحد صالح نے گراونڈ کے چاروں طرف دلکش اسٹروک کھیل کر 40 رنز کی دھواں دھار انننگ کھیلی – باقی کپتان اعجاز 23 ‘ عرفان عثمان 18 ‘ نوید صالح 15 اور اعجاز جونیر 13 رنزبناکر نمایاں رہے ،بولنگ کے شعبے میں گٹھی ڈور کرکٹ کلب کے عابد عبدل 4 اور عامر 4 وکٹ لیکر نمایاں رہے۔جوابی اننگ میں گٹھی ڈور کرکٹ کلب شاہنواز کے اسپین بولنگ کا مقابلہ ناکر سکی اور صرف 77 رنز بنا سکی. گٹھی ڈور کرکٹ کلب کی طرف سے اصغر نے 27 ‘ کپتان شاہد مجید نے 11 اور عامر 7رنز بنا کر نمایاں بیٹر رہے۔ بولنگ میں نیواسٹار کرکٹ کلب کے اسپنر شاہنواز نے 5 ‘ کپتان اعجاز 2 ‘ واحد صالح 1 وکٹ لیکر نمایاں رہے۔ اسطرح نیواسٹار کرکٹ کلب نے میچ 91 رنز سے جیت لیا۔نیواسٹار کرکٹ کلب کے واحد صالح الراونڈ کارکردگی کی وجہ سے مین اف دی میچ قرار پاہے۔اس میچ کے مہمان خاص ڈسٹرکٹ کرکٹ ایسوسیشن گوادر کے سیکریٹری عبداللہ تھے امپائرنگ کے فرائض عمر ہاشم اور منیر نے اور اسکورنک رقیب نے کی۔
