لاڑکانہ (نمائندہ جسارت) ایس ایس پی میر روحل خان کھوسو کی ہدایت و احکامات پر پولیس کی جرائم پیشہ افراد کے خلاف کارروائیاں، مختلف علاقوں سے 5 گرفتار، ملزمان سے اسلحہ، منشیات اور 3 چوری شدہ موٹر سائیکلیں برآمد۔ تفصیلات کے مطابق بقاپور پولیس نے چؤدگی والے علاقے میں کارروائی کرتے ہوئے ملزم محمد پریل نوحانی کو بغیر لائسنس پسٹل اور گولیوں سمیت گرفتار کر کے مقدمہ درج کرلیا، کیٹی ممتاز پولیس نے کچے کے راہوجا لاڑو والے علاقے میں اشتہاری ملزم مرید ولد ابراہیم سولنگی کو گرفتار کرلیا، عاقل پیر شیر پولیس نے مسوحب والے علاقے میں منشیات فروش ملزم سجاد ڈیتھو کو 2 کلو (2000) گرام چرس سمیت گرفتار کر کے مقدمہ درج کرلیا، مارکیٹ پولیس اور انچارج اینٹی آرگنائزڈ کرائم سب انسپکٹر سید اصغر علی شاہ نے مشترکہ کارروائی کے دوران منشیات فروش ملزم اخلاق عرف بوبی مغیری کو ایک کلو (1000) گرام چرس سمیت گرفتار کر کے مقدمہ درج کرلیا، گیریلو پولیس نے دوران چیکنگ ملزم واحد بھیو کو شراب کی 5 بوتلوں سمیت گرفتار کر کے مقدمہ درج کرلیا، کنگا پولیس نے چوری شدہ موٹر سائیکل برآمد کرکے اصل مالک علی خان کے حوالے کردی، نوڈیرو پولیس نے چوری ہونے والی موٹر سائیکل برآمد کرکے اصل مالک وسیم شیخ کے حوالے کردی، رحمتپور پولیس نے شہری وجے کمار کی چوری شدہ موٹر سائیکل برآمد کرکے ان کے حوالے کردی۔
