کراچی (اسٹاف رپورٹر)انٹرنیشنل ڈیفنس ایگزی بیشن اینڈ سیمینار، آئیڈیاز 2024کے 12ویں ایڈیشن کے سافٹ لانچ کی تقریب کا انعقاد، 12ویں عالمی دفاعی نمائش اور سیمینار 19 تا 22 نومبر کو کراچی ایکسپو سینٹر میں منعقد ہوگا۔ آئیڈیاز نمائش میں دنیا کے اہم ممالک کے ساتھ اسٹریٹیجک روابط مستحکم ہوئے ہیں، مختلف ممالک ایک دوسرے کے تجربات، ٹیکنالوجی اور خیالات پر بات چیت کرتے ہیں،دفاعی ہتھیاروں کی بین الاقوامی نمائش و کانفرنس آئیڈیاز 2024کے 12ایڈیشن کی سافٹ لانچ کی تقریب کا گزشتہ روز اسلام آباد کے مقامی ہوٹل میں انعقاد کیا گیا ،تقریب سے خطاب کرتے ہوئے وفاقی وزیر تجارت جام کمال خان نے کہا ہے کہ یہ بات بے حد خوشی کا باعث ہے کہ دفاعی صنعت کی صلاحیتوں کو اجاگر کرنے والی آئیڈیاز نمائش و کانفرنس کی اہمیت میں ہر گزرتے سال اضافہ ہورہا ہے۔ گزشتہ 14سال کے دوران گزشتہ ایڈیشنز کے کامیاب اور بھرپور انعقاد نے پاکستان کی دفاعی صلاحیتوں کو دنیا کے سامنے پیش کرنے میں اہم کردار ادا کیا ہے۔
