کراچی : جامعہ کراچی سینڈیکیٹ نے ایک طالب علم کی ڈگری اور انرولمنٹ منسوخی کی سفارشات کی منظوری دے دی۔
ہفتے کے روز وائس چانسلر پروفیسر ڈاکٹر خالد محمود عراقی کی زیر صدارت ہونے والے سینڈیکیٹ کے اجلاس میں ان فیئر مینز کمیٹی کی رپورٹ پیش کی گئی، جس میں ایک طالب علم کی ڈگری اور انرولمنٹ منسوخ کرنے کی سفارش کی گئی تھی۔
سینڈیکیٹ کے اراکین نے اس رپورٹ کو منظور کر لیا۔ ترجمان جامعہ کے مطابق، یہ فیصلہ کمیٹی کی تفصیلی رپورٹ کی روشنی میں کیا گیا ہے۔
