فیصل آباد(صباح نیوز)فیصل آباد میں گاڑی اور ٹریکٹر ٹرالی میں تصادم کے نتیجے میں 2افراد جاں بحق اور 9 شدید زخمی ہو گئے۔ فیصل آباد کے تھانہ ٹھیکریوالہ کے علاقہ جھنگ روڈ پر تیز رفتار گاڑی اور لکڑیوں سے لوڈ ٹریکٹر ٹرالی آپس میں ٹکرا گئے جس کے نتیجے میں 2 افراد جاں بحق ہو گئے۔لاشیں اور زخمیوں کو ریسکیو1122 نے الائیڈ ہسپتال منتقل کردیا۔ حادثے کا شکار تمام افراد کا تعلق چنیوٹ سے ہے جو ہنڈائی ڈالہ میں سبزی منڈی جارہے تھے۔
